karma in svarga does not give phala

जाजलिरुवाच ।
देवाः कर्मफलं भुक्त्वा पतंति भूमिमंडले ।
स्वर्गेषु यत् कृतं कर्म फलहीनं मतं बुधैः ॥ ९९ ॥
इंद्रः कथं महाभाग चातुर्मास्यव्रतोद्भवम् ।
फलं प्राप्य गणेशानं ययावंते वद प्रभो ॥ १०० ॥
लोमश उवाच ।
त्वयोक्तं जाजले वाक्यं तदेव सर्वसंमतम् ।
स्वर्गभूमौ कृतं कर्म निष्फलं जायते सदा ॥ १०१ ॥
पृथिव्यां भारते खंडे समागत्य महामुने ।
देवाः कुर्वंति कर्माणि तानि सत्फलकानि तु ॥ १०२ ॥
कर्मभूमौ कृतं कर्म देवैर्वा दानवैर्नरैः ।
जंतुभिर्विविधैः सर्वैः सफलं संभवेत् सदा ॥ १०३ ॥