Information about jala tIrthA

भ्रूशुंड्युवाच ।
क्षेत्रं ब्रह्ममयं प्रोक्तं तीर्थतीर्थं महेश्वराः ।
गाणेशं सर्वविख्यातं मुख्यं पूर्णं बभूव ह ॥ २ ॥
यथा पंचविधं सर्वं भासते विविधार्थतः ।
चतुर्विधं जगत् संस्थं पंचमं ब्रह्म उच्यते ॥ ३ ॥
गंगा च यमुनादेवी सरस्वती महानदी ।
त्रिगुणरूपसंयुक्तास्ताभ्यो नद्यः समुद्भवाः ॥ ४ ॥
तुरीया सर्वतीर्थाख्या ब्रह्मकमंडलूद्भवा ।
तासां संयोगभावे तु पंचमं ब्रह्म उच्यते ॥ ५ ॥
तदेव तीर्थरूपेण प्रकटं संबभूव ह ।
गणेशमायया देवा गाणेशं तीर्थमुच्यते ॥ ६ ॥

नाम तस्य चकाराऽसौ गणेशकुंडमादरात् ।
तस्य दर्शनमात्रेण भुक्तिं मुक्तिं लभेन्नरः ॥ १० ॥
जलस्पर्शादिसंभूतं पुण्यं वक्तुं न शक्यते ।
साक्षाद्ब्रह्ममयस्यापि किं तीर्थस्य वदाम्यहम् ॥ ११ ॥
स्नानेन मुक्तिदा प्रोक्ता ब्रह्मकमंडलूद्भवा ।
तुरीया सर्वतीर्थानां ज्ञातव्यं शास्त्रसंमतम् ॥ १२ ॥
भागीरथी तृतीया च स्नानेन स्वर्गदायिनी ।
स्वर्णदी सा समाख्याता विशेषेण महेश्वराः ॥ १३ ॥
ततः सरस्वती प्रोक्ता द्वितीयपदधारिणी ।
त्रिभिर्दिनैश्च स्नानेन स्वर्गदा सा प्रकीर्तिता ॥ १४ ॥
यमुना च ततः ख्याता स्थूलरूपा महानदी ।

Pageखं. ६ अ. २३ पान ६८
सप्तभिर्दिवसैः साक्षाज्जंतूनां स्वर्गदा मता ॥ १५ ॥
अन्या नानाविधास्ताभ्यः कथनं नैव शक्यते ।
अतः संक्षेपतः प्रोक्तं माहात्म्यं पंचसंभवम् ॥ १६ ॥